Yangiliklar

Moliya sektori uchun dasturiy ta’minotning yetakchi yetkazib beruvchisi hisoblangan CS kompaniyasi kompaniya balansini hisobga olish (jumladan kredit bitimlarini ham) va O‘zbekiston Respublikasi Markaziy banki oldida tartibga soluvchi hisobotni shakllantirish uchun bek-ofis yechimini muvaffaqiyatli joriy qildi – B2ng::FIN Agat Credit mikromoliyaviy kompaniyasiga.

2023-yilda 25 yildan buyon moliyaviy xizmatlar sohasida faoliyat olib borayotgan Gruziyaning  Crystal mikromoliyaviy kompaniyasi bilan bog‘liq investitsiyaviy platforma Lotus Impact Finance mahalliy Agat Credit (“Mikromoliya tashkiloti” MCHJ) mikromoliya kompaniyasining aksiyadoriga aylangan holda O‘zbekiston Respublikasi bozoriga chiqdi.

Eng ilg‘or global amaliyotlarni joriy etish va o‘zbekistonlik mijozlar uchun mikromoliyalashtirishning maqbul tajribasini yaratish maqsadida Agat Credit o‘zining AT infratuzilmasini to‘liq yangilaganini e’lon qildi. Ushbu qaror zamonaviy talablarga moslashish va moliyaviy faoliyatga ilg‘or texnologiyalarni tatbiq etish bo‘yicha strategik qadam sifatida belgilandi.

AT infratuzilmasini yangilash loyihasini amalga oshirish maqsadida Agat Credit bir necha vendorlarni jalb qilib, ulardan biri CS kompaniyasi bo‘ldi. CSning vazifasi B2ng::FIN bek-ofis yechimini amalga oshirish bo‘ldi.

B2ng::FIN Agat Kreditning kredit jarayonlari va bek-ofis operatsiyalarini to‘liq avtomatlashtirishni ta’minlaydi: kredit uchun arizani qabul qilishdan tortib to uni to‘liq qoplash yoki muammoli qarzdorlikni qayta ishlashgacha bo‘lgan jarayonlarni qanrab oladi.

Shuningdek, B2ng::FIN O‘zbekiston Respublikasi Markaziy banki uchun majburiy hisobotlarni shakllantiradi va kredit tarixi byurolari bilan integratsiyani ta’minlaydi.

B2ng::FIN sozlamalarining moslashuvchanligi tufayli Agat Credit mustaqil ravishda, keyinchalik CSni jalb qilmagan holda ko‘plab kredit mahsulotlarini sozlashi, biznes jarayonlariga yoki tizim harakati mantig‘iga qo‘shimcha nazorat va cheklovlarni kiritishi, shuningdek, ma’lumotlar bazasida saqlanadigan turli ko‘rsatkichlarda hisobotlarni tuzishi mumkin.

Taras Leskiv, Loyiha BV, CS

“Oʻzbekiston moliyaviy xizmatlar bozori CS uchun yangilik hisoblanmaydi. Biroq bu Oʻzbekistondagi moliyaviy kompaniyada birinchi marta amalga oshirildi. Loyihada ishtirok etgan jamoa aʼzolarining yuqori professionalligi tufayli biz qisqa vaqt ichida Agat Credit kompaniyasini B2ng::FINda ishlashga oʻtkazishga muvaffaq boʻldik. Qoʻshimcha ravishda men Lotus kompaniyasi menejerlari jamoasiga turli vendorlar va bevosita Agat Credit xodimlari oʻrtasidagi oʻzaro hamkorlikni muvofiqlashtirgani uchun minnatdorchilik bildirmoqchiman, bu esa ishlar roʻyxatida va amalga oshirilgan funksionallikda sezilarli oʻzgarishlarsiz loyihani oʻz vaqtida amalga oshirishga yordam berganini aytmoqchiman” .

Manuchar Chitaishvili, “Agat Credit” Bosh direktori

“Biz O‘zbekiston mikromoliya bozoriga asosiy tizimning xalqaro texnologik yechimini joriy etgan birinchi kompaniya bo‘lganimizdan mamnunmiz. Ushbu tatbiq “Agat Credit”ni institutsional yetuklikning yangi darajasiga olib chiqib, bu bizga zamonaviy texnologiyalar toʻplamini yaratishga imkon berdi va eng muhimi, tartibga soluvchimiz tomonidan oʻrnatilgan hisobot va risklarni boshqarish standartlariga muvofiqligini ta’minlash imkonini berdi. Biz core-tizimining funksionalligi va arxitekturasini, shuningdek, CS kompaniyasi xodimlarining boy tajribasi va professionalligini yuqori baholaymiz. Lotusning yordami tufayli biz loyihani eng qisqa vaqt ichida muvaffaqiyatli yakunlay oldik”.

Giorgiy Janelidze, loyihasi rahbari, Lotus Impact Finance

“Yangi tizimga o‘tish, ayniqsa, yangi texnologiya infratuzilmasini yaratish va yangi biznes modeliga moslashish zarurati tug‘ilganda har doim qiyin vazifa hisoblanadi. Shunga qaramasdan, biz mahalliy va xalqaro miqyosda ko‘plab integratsiyalarni muvaffaqiyatli amalga oshirishga muvaffaq bo‘ldik. CS bilan hamkorligimiz bebahodir. Katta tajribaga ega yuqori malakali mutaxassislardan iborat CS jamoasi loyihaning muvaffaqiyatida hal qiluvchi rol o‘ynadi. Ularning tajribasi, ishchi axloqi, shuningdek “Agat Credit” bilan sodiqlik va hamkorlik tufayli biz loyihani muvaffaqiyatli yakunlay oldik. Barcha manfaatdor tomonlarning fidoyiligi tufayli biz bunga samarali va natija bilan erishdik, O‘zbekistondagi mazkur tarmoq uchun yangi standartni belgilab oldik. Men Lotus jamoamiz ishidan faxrlanaman, chunki ularning fidoyiligi va sa’y-harakatlari ham hal qiluvchi ahamiyatga ega bo‘ldi.

“Ahbor-Reyting” RA MCHJ Oʻzbekiston Respublikasi Vazirlar Mahkamasining 1995-yil 9-noyabrdagi 427-sonli qarori bilan tuzilgan Oʻzbekistonning birinchi reyting agentligi sanaladi va tijorat banklari, sug‘urta, lizing kompaniyalari, korporativ obligatsiyalar emitentlari, lombardlar, mikrokredit va baholash tashkilotlariga reyting xizmatlarini ko‘rsatish vakolatiga ega.

2005-yil dekabrda “Ahbor-Reyting” RA MCHJ Markaziy Osiyoda Osiyo kredit reyting agentliklari uyushmasining (Association of Credit Rating Agencies in Asia - ACRAA) birinchi aʼzosiga aylandi va hozirgi kunda dunyoning yetakchi reyting agentliklari bilan muvaffaqiyatli hamkorlik qilib kelmoqda.

Quyida ushbu tashkilotning rivojlanishi va moliyaviy holatining asosiy ko‘rsatkichlari tahlili keltirilgan:

Aktivlar va kredit portfelining o‘sishi: Tashkilot aktivlari o‘tgan davrga nisbatan sezilarli darajada 77,22 foizga oshib, 138 072,1 million so‘mga yetdi. Aktivlarning asosiy qismi berilgan kreditlar hissasiga to‘g‘ri kelib, ular ham 39,19 foizga oshdi va 160 908,2 million so‘mni tashkil etdi. Bu tashkilot faoliyatining sezilarli darajada oshganidan dalolat beradi.

Kredit portfelining sifati: Umuman olganda, kredit portfelining sifati “yuqori” deb tasniflanadi, ammo muammoli kreditlarning ma’lum bir hajmi ham mavjud. Ularni qoplash uchun kredit yo‘qotishlari bo‘yicha zaxiralar yaratildi.

Daromad ko‘rsatkichlari: Tashkilotning umumiy daromadlari 46,96% ga, xarajatlar esa 155,99% ga o‘sdi. Bu o‘rtacha aktivlar rentabelligining 34,49% dan 15,76% gacha va o‘rtacha kapitalning 37,56% dan 22,98% gacha pasayishiga olib keldi. Shuningdek, hisoblangan foizlarning olingan sof foydaga nisbati 16,99 foizdan 20,28 foizga oshdi.

Xodimlar va mijozlar: Tashkilot xodimlari soni 85 nafarni, yiliga tuzilgan shartnomalar soni esa 5137 tani tashkil etadi.

Kelajak uchun tavsiyalar: “Ahbor-Reyting” reyting agentligi “MICROFIN MIKROMOLIYA TOSHKILOTI” MCHJga aktivlar va kredit portfelini oshirishga, shuningdek, sof foiz marjasi darajasini pasaytirishga alohida e’tibor qaratishni tavsiya etadi. Ular rentabellikning yanada oshishini va tashkilotning bozordagi mavqeini yaxshilashni kutishmoqsa.