Yangiliklar

1-iyul kuni Toshkent shahrida "Kursiv Uzbekistan" munozara platformasining "O‘zbekiston kapital bozori: investitsiya uchun yangi imkoniyatlar" mavzusidagi konferensiyasi bo‘lib o‘tdi.

agat credit mikromoliya tashkiloti Kuzatuv kengashi raisi Mangitov Arman Axtureyevich "O‘zbekiston obligatsiyalar bozori: investitsiya kiritishning yangi vositalari" mavzusidagi ikkinchi panel muhokamasida ma’ruza qildi va obligatsiyalarni mahalliy fond bozorida joylashtirish bo‘yicha o‘z tajribasi bilan o‘rtoqlashdi.

Sessiyaning boshqa ishtirokchilari - Spartak Tetrashvili (TBC Bank direktorlar kengashi raisi), Marat Nurmamatov (ipotekani qayta moliyalashtirish kompaniyasi bosh direktori o‘rinbosari), Behruz Ochilov (Alkes Research’ning investitsiya bankingi bo‘yicha direktori) va Oybek Mamajanov (Uzum moliyaviy direktori o‘rinbosari) bilan birgalikda banklardan tortib moliya texnologiyalarigacha bo‘lgan asosiy ishtirokchilar korporativ obligatsiyalar bozori qanday o‘zgarayotgani, qaysi vositalar allaqachon ishlayotgani va bozor ommaviy bo‘lishi uchun yana nimalar kerakligi haqida so‘zlab berdilar.

agat credit kompaniyasi 40 mlrd so‘mlik obligatsiyalarning birinchi emissiyasini muvaffaqiyatli amalga oshirdi. Emissiya yillik 29 foiz stavka bilan va bitta obligatsiyaning nominal qiymatini 100 000 so‘m qilib belgilagan holda amalga oshirildi, bu esa chakana investorlar uchun keng imkoniyatlarni ta’minlash va kompaniyaning investitsiya bazasini kengaytirish imkonini berdi.

"Bizning portfelimiz qisqa muddatli. Biz bir yilgacha bo‘lgan qimmatli qog‘ozlar bilan samarali ishlay olamiz. Bizga uzoq muddatli qarz emas, moslashuvchan moliyalashtirish kerak" – ta’kidladi Mangitov Arman.

Shuningdek, agat credit Kuzatuv kengashi raisi tashkilotning Qozog‘iston fond birjasida xorijiy valyutadagi obligatsiyalarni joylashtirish bo‘yicha strategik rejalari bilan o‘rtoqlashdi va seminar ishtirokchilarining savollariga javob berdi. Muhokama ishtirokchilari keyingi bosqich O‘zbekiston aholisi va biznesi o‘rtasida bozorga bo‘lgan ishonchning ortishi bo‘ladi, degan yakdil fikrga kelishdi. Infratuzilma - market-meykerlar, ikkilamchi savdo uchun platforma, ma’lumotlarga kirish imkoniyati zarur. Ayniqsa, kichik va o‘rta biznes segmentida emitentlar doirasini kengaytirish ham muhim ahamiyatga ega. Ko‘rsatilgan barcha chora-tadbirlar respublika moliya bozorining barqaror va muvozanatli rivojlanishini ta’minlovchi asosiy omil bo‘ladi. "O‘zbekiston kapital bozori: investitsiya uchun yangi imkoniyatlar" maqolasini to‘liq Kursiv Uzbekistan saytida o‘qing.