Filiallar ro‘yxatidan viloyatingizni tanlang
“Agat Credit” ММТ AJ O‘zbekistonda kapital bozoridagi “Regulyativ qumdon” ishtirokchisi — emitentlardan biri sifatida rasman ro‘yxatga olindi. Bu nimani anglatadi? Maxsus huquqiy rejim doirasida biz ichki bozorda birinchilardan bo‘lib xorijiy valyutada nominallangan korporativ obligatsiyalar chiqarishni va ularning muomalasini yo‘lga qo‘yamiz. Ilgari “Toshkent” Respublika fond birjasida korporativ obligatsiyalar faqat milliy valyuta — so‘mda joylashtirilar edi. Xorij valyutasida ilk emissiyamiz tashkilotchisi — yetakchi investitsiya vositachisi “Freedom Finance” MChJ XK hisoblanadi. Yangi moliyaviy vosita ham chakana, ham yirik institutsional investorlar uchun mavjud bo‘ladi. Ushbu loyihaning amalga oshirilishi mahalliy va xorijiy investorlar uchun yangi hamda ishonchli imkoniyatlar yaratadi!
“agat credit” 100 mlrd so‘mlik korporativ obligatsiyalarning beshinchi chiqarilishini e’lon qiladi
“agat credit” MMT AJ kompaniya Kuzatuv kengashining 2026-yil 6-martdagi qarori bilan umumiy qiymati 100 mlrd so‘m bo‘lgan korporativ obligatsiyalarning beshinchi chiqarilishi amalga oshirilishini ma’lum qiladi.
Yangi chiqarilish kompaniya faoliyatini yanada rivojlantirish, moliyalashtirish dasturlarini kengaytirish hamda “agat credit”ning O‘zbekiston moliya bozoridagi o‘rnini mustahkamlashga qaratilgan.
Chiqarilishning asosiy parametrlari:
• Chiqarilish hajmi — 100 000 000 000 so‘m
• Obligatsiyalar soni — 1 000 000 dona
• Nominal qiymati — har bir obligatsiya uchun 100 000 so‘m
• Kupon stavkasi — yillik 25%
• Kupon daromadini to‘lash — har oy
• Muomala muddati — 730 kun
Chiqarilishning qo‘shimcha ishonchliligini “Trust-Insurance” AJning sug‘urta polisi ta’minlaydi. U obligatsiyalarning nominal qiymatini va hisoblanadigan kupon daromadini qoplaydi. Sug‘urta qoplamasining umumiy hajmi 150 mlrd so‘mni tashkil etadi.
Chiqarilishning anderrayteri va investitsiya vositachisi “Freedom Broker” hisoblanadi.
Obligatsiyalarni joylashtirish chiqarilishning davlat ro‘yxatidan o‘tkazilgani to‘g‘risidagi xabarnoma e’lon qilinganidan keyin 15-kalendar kunida boshlanishi kutilmoqda (taxminan — 2026-yil aprel oyining oxiri).
Hozirgi kunda “Toshkent” Respublika fond birjasida “agat credit” korporativ obligatsiyalarining to‘rtta chiqarilishi muomalada bo‘lib, bu kompaniyaning fond bozori orqali investitsiyalarni jalb etish bo‘yicha izchil strategiyasini tasdiqlaydi.
“agat credit” mamlakat moliya bozorining rivojlanishiga hissa qo‘shgan holda investorlar uchun shaffof va ishonchli vositalarni takomillashtirishda davom etmoqda.
"Agat Credit" MMT AJ yillik 27% daromadlilik bilan korporativ obligatsiyalar chiqardi
"Agat Credit" MMT AJ 40 milliard so‘mlik yangi korporativ obligatsiyalar chiqarilishini sotuvga qo‘yganini e’lon qildi. Endi har bir investor kapital to‘liq sug‘urtalangan holda obligatsiyalarni sotib olib, yillik 27% miqdorida oylik daromad olish imkoniyatiga ega bo‘ldi.
Bu kompaniyaning uchinchi marta obligatsiya chiqarishi bo‘lib, uning barqaror rivojlanayotgani va investorlar ishonchining tobora ortib borayotganini tasdiqlaydi. Joylashtirishdan olingan mablag‘lar mikromoliyalashtirishni rivojlantirish, kichik va o‘rta biznesni qo‘llab-quvvatlash, shuningdek, jismoniy shaxslar uchun investitsiya imkoniyatlarini kengaytirishga yo‘naltiriladi.
Chiqarish shartlari:
Emissiyaning umumiy hajmi - 40 mlrd so‘m
Daromadlilik - yillik 27%
Muomala muddati - 365 kun
Bir obligatsiyaning nominal qiymati - 100 000 so‘m
Soni - 400 000 dona
Kupon to‘lovi - har oyda
Investorlar kapitali sug‘urtalangan
"Xavfsizlik va shaffoflik faoliyatimizning asosini tashkil etadi. Biz barqaror daromad keltiradigan va investorlarning ishonchini qozongan moliyaviy vositalarni yaratmoqdamiz," - deya ta’kidladi kompaniya vakillari.
"Agat Credit" MMT AJ o‘z mijozlariga foydali va ishonchli investitsiya yechimlarini taklif etib, moliya bozoridagi o‘z mavqeini mustahkamlab bormoqda.
Obligatsiyalarni mobil ilova va agatinvest.uz saytidan xarid qilish mumkin.
Aloqa maʼlumotlaringizni kiriting, mutaxassisimiz siz bilan tez orada bog‘lanadi.
Aloqa maʼlumotlaringizni kiriting, mutaxassisimiz siz bilan tez orada bog‘lanadi.